अलि र मुस्तफा वने -याली विजेता, १३ सय सीसी समूहमा नेपालका राजेन्द्र र विमलको जोडी विजयी

दार्जिलिङ, भारत – हिमालयन ड्राइभ सिक्स त्रिदेशीय कार -यालीको उपाधि भारतका एसके अजगर अलि र मोहमद् मुस्तफाको जोडीले हात पारेका छन् ।

निर्धारित साढे १६ सय किलोमिटर दुरी समय, गति र दुरी (टीएसडी) को आधारमा सबैभन्दा सुरक्षित यात्रा गर्दै भारतको पश्चिम बंगालको तर्फबाट सहभागी अलि र मुस्तफाले सो उपाधि हात पारेका हुन् ।

उपाधि विजेतलाई दार्जिलिङको भानु पार्कमा एक समारोहका बीच दार्जिलिङ स्टेट प्रहरी प्रमुख अखिलेस चर्तुवेदीले भारु नगद १ लाख रुपैयासहित शिल्ड र ट्रफि प्रदान गरेका थिए ।

अलि र मुस्तफाले यसअघिका २ वटा -यालीमा लगातार रुपमा पहिलो भएका थिए । उनीहरु तेश्रो पटक पनि पहिलो भई ह्याट्रिक गर्न सफल भएका हुन् ।

यस्तै भारतकै सुविर रोय र निरभ मेहेताको जोडीले दोश्रो हुदै ७५ हजार भारतीय रुपैयासहित शिल्ड र ट्रफि तथा तेश्रो हुने विजयकुमार सेन र चन्दन सेनको जोडीले ५० हजार भारतीय नगद रुपैयासहित शिल्ड र ट्रफि पाउन सफल भएका थिए ।

यस्तै -यालीकै खुल्ला प्रतिस्पर्धामा भारतका गगन सेती र धिरज आरोराका जोडी पहिलो हुदै भारु नगद २५ हजमर रुपैयासहित शिल्ड र ट्रफि, गोविन्द धिमाल र आन्नद अग्रवालको जोडीले दोश्रो हुदै भारु नगद २० हजार रुपैयासहित शिल्ड र ट्रफि तथा प्रान्जल मोर र मिलिन्डो पलको जोडी तेश्रो हुदै भारु नगद १० हजार रुपैयासहित शिल्ड र ट्रफि हात पारेको थिए ।

यस्तै -यालीमा पहिलो पटक सहभागी चितवनको टाटा कारको लागि आधिकारिक विक्रेता रहेको आरवी मोटर्सका सञ्चालकद्वय विमल पौडेल र राजेन्द्र गैरले -यालीमा १३ सय सीसी कम समूहमा उत्कृष्ट भई शिल्ड र ट्रफि हात पारेका थिए । टोलीले टाटा टियागोबाट यात्रा गरेको थियो ।

नेपालको तर्फबाट चितवनको लागि स्कोडा कारको आधिकारिक विक्रेता युरो अटोका प्रबन्ध निर्देशक रविनकुमार श्रेष्ठ र अमित सिलवालको जोडी, टीभीएस बाइकको चितवनको आधिकारिक विक्रेता मालाश्री मोटर्सका सञ्चालक भिमसेनकुमार श्रेष्ठ र अमित श्रेष्ठको जोडी प्रतिस्पर्धामा सहभागी थिए ।

-यालीमा नेपाल अटोमोबाइल्स एसोसियसन (नासा) प्रदेश नम्बर १ का संयोजक कविन श्रेष्ठ, उद्योग बाणिज्य संघ चितवनका प्रथम उपाध्यक्ष सुमन कुमार श्रेष्ठ, पूर्वी चितवन पत्रकार संघका उपाध्यक्ष राजेन्द्र आचार्य, कार्यसमिति सदस्यद्वय राजेन्द्र ओली र सिदार्थलाल चुके, प्रशान्त कुमार पिया, धिरज कार्की, सरोज अर्यालसहितको टोली सहभागी थिए ।

भारतकै सिलिगुडीबाट ६ दिन अगाडि सुरु भएको -याली सिलिगुडीबाट नेपालको विर्तामोड, दमक, इटहरी, लाहान, बर्दिवास हुदै पहिलो पटक नेपालको तेश्रो पर्यटकीय नगरी सौराहा हुदैँ भारतको मूर्ती हुदै भुटानको फुन्सोलिङ अनि फेरि भारतको दार्जिलिङमा पुगेर समापन गरिएको थियो ।

-यालीको दोश्रो दिन पहिलो पटक चितवन सौराहा पुगेको टोलीले जिल्लाको विभिन्न पर्यटकीय स्थलहरु अवलोकनसगैँ धार्मिक पर्यटकीय क्षेत्र देवघाटको समेत अवलोकन गरेको नेपाल कार्यक्रम संयोजक प्रकाश कपुरीले जानकारी दिए ।

भारतको जस्ट स्पोर्ट्ज क्लबको आयोजनामा हरेक बर्ष जस्तै छैठौँ संस्करणको रुपमा आयोजना गरिएको -यालीले नेपाल, भारत र भुटान विच पर्यटन प्रर्वद्धन हुनुका साथै व्यवसायी सम्बन्ध विस्तारमा थप मद्दत पुगेको बताइएको छ ।