माउन्टेन स्पोर्ट्स र एकेडेमी बीच सम्झौता



शाहसिक तथा पर्यटकीय खेलकुद महासंघ, माउण्टेन स्पोर्ट्स फेडेरेसन—नेपाल र नेपाल माउण्टेन एकेडेमी बिचमा रणनीतिक साझेदारी सम्बन्धि सम्झौतामा आज हस्ताक्षर गरिएको छ । 

आज आयोजित एक समारोहका बीच महासंघका अध्यक्ष गोविन्द भट्टराई तथा एकेडेमीका कार्यकारी निर्देशक रोमनाथ ज्ञवाली द्वारा सम्झौता पत्र हस्ताक्षर गरि आदान प्रदान गरियो । 

सो सम्झौता अनुसार नेपालको शाहसिक तथा पर्वतीय खेल पर्यटनको क्षेत्रमा तालिम, संयुक्त कार्यक्रम, अध्ययन अनुसन्धान तथा राष्ट्रिय अन्तर्रा्ष्ट्रिय मुद्दाहरुमा सहकार्य गरिने छ । 

यस सम्झौताले नेपालको शाहसिक पर्यटन, पर्वतीय खेलकुद र सस्टेनेबल टुरिजमको लागि सकारात्मक परिणाम दिने विश्वास दुवै पक्षले गरेको एकेडेमीका निर्देशक ज्ञवालीले जानकारी गराए ।